‘प्रेमगीत ३’ हिन्दी रिलिजमा कुनै अवरोध गरेका छैनौः भुवन केसी

चलचित्र विकास बोर्डका अध्यक्ष भुवन केसीले एक विज्ञप्ती सार्वजनिक गर्दै शुक्रबारदेखि रिलिजमा आएको नेपाली चलचित्र ‘प्रेमगीत ३’को हिन्दी स्वरांकनका लागि कुनै अवरोध नगरेको स्पष्ट पारेका छन् । आज सार्वजनिक गरिएको विज्ञप्तीमा भुवनले कर चुक्ता हुने वित्तिकै विकास बोर्डले हिन्दी स्वरांकनका लागि अनुमति दिएको स्पष्ट पारेका छन् ।

विकास बोर्डले हिन्दी स्वरांकनको बिषयलाई लिएर बोर्डका पदाधिकारी तथा सदस्यहरुलाई गालीगलौज गर्ने, भ्रामक समाचार सम्प्रेषण गर्ने काम भएको भन्दै अब यसो नगर्न आग्रह गरेको छ । यस्तै, बोर्डले ‘प्रेमगीत ३’ हिन्दी रिलिजका लागि कुनै खालको अवरोध पनि नगरेको स्पष्ट पारेको हो ।

‘प्रेमगीत ३’को हिन्दी स्वरांकनको आज सेन्सर भएको छ । यो चलचित्र भोलीबाट नेपालभर रिलिज हुँदैछ । तर, रिलिज हुनु अगाडि नै हिन्दी भर्सन अनलाइनमा लिक भैसकेको छ । यसले, यो चलचित्रको व्यापारमा भने केही असर गर्ने देखिन्छ ।