पूजाको तर्क–‘दर्शकका लागि गीत मै हुँ’(भिडियो)

केही दिन अगाडि चलचित्र ‘प्रेमगीत’का निर्माता सुदर्शन थापाले आफ्ना लागि प्रेमगीतको गीत कृष्टिना गुरुङ भएको बताएका थिए । सामाजिक संजालमा स्टाटस लेख्दै उनले ‘प्रेमगीत ३’की नायिका कृष्टिना नै मुख्य गीत भएको बताएका थिए ।

तर, नायिका पूजा शर्माले भने सन्तोष सेनका लागि गीत अरु कोही भएपनि आम दर्शकका लागि गीत आफू नै भएको बताएकी छिन् । आज आयोजना भएको एक कार्यक्रममा उनले पत्रकारको प्रश्नमा गीत आफू नै भएको बताइन् ।

चलचित्र ‘प्रेमगीत’मा नायक प्रदीप खड्का र नायिका पूजा शर्माको मुख्य भूमिका छ । यो चलचित्रको दोश्रो र तेश्रो सिरिजमा पूजा मुख्य भूमिकामा देखिएकी थिइनन् । उनी र सन्तोष सेनको टिमविच असन्तुष्टी बढेपछि उनीहरु अलग भएका थिए । ‘प्रेमगीत २’मा भने कलाकार अश्लेषा ठकुरी मुख्य भूमिकामा देखिएकी थिइन् ।