‘पानी फोटो’को फस्टलुकमा खगेन्द्र र मलिनाको फरक गेटअप
२७ जेठ २०७९ १५:५२ 
माओवादी जनयुद्धमा वेपत्ता भएको आफ्नो छोराको पर्खाइमा बसेका बाबु र आमाको कथामा तयार भएको चलचित्र ‘पानी फोटो’को फस्टलुक सार्वजनिक भएको छ । खगेन्द्र लामिछानेको लेखन तथा निर्देशनमा तयार भएको यो चलचित्र साउनको १३ गतेबाट रिलिज हुँदैछ ।
यो चलचित्रको फस्टलुकमा कलाकार खगेन्द्र लामिछाने, अनुप बराल, मेनुका प्रधान, मलिका महतलाई देखाइएको छ । तर, उनीहरुको यस अगाडिका चलचित्रमा भन्दा फरक गेटअप छ ।
चलचित्रलाई रोजिना सिटौला र रविन्द्र बज्रचार्यले निर्माण गरेका हुन् । निर्माण भएको लामो समय भैसक्दा पनि कोरोनाका कारण रिलिज हुन नपाएको चलचित्रलाई साउन १३ गते ल्याउन पाउँदा आफू उत्साहित भएको खगेन्द्रको भनाई छ ।
खगेन्द्र आफैले निर्देशन गरेको नाटक ‘पानी फोटो’लाई चलचित्रको स्वरुपमा ढालेका हुन् ।
