फ्लप फिल्म ‘डाँडाको वर पीपल’को सिरिज बन्ने

निर्देशक शोभित बस्नेतले फिल्म ‘डाँडाको वर पीपल’को सिरिज बनाउने घोषणा गरेका छन् ।फिल्म युट्युबमा सार्वजनिक भएर दर्शकले रुचाएपछि उनले यसको सिरिज बनाउने तयारी गरेका हुन् । केही हप्तामा नै छायांकन सुरु गर्ने तयारी शोभितको छ । शोभितका अनुसार, यो फिल्मको सिरिजका लागि कलाकार भने फाइनल भएका छैनन् ।

‘डाँडाको वर पीपल’लाई हलमा दर्शकले रुचाएनन् । फिल्मले हलमा पानी भन्न पनि पाएन । तर, युट्युबमा भने दर्शकले यसलाई निक्कै रुचाएका छन् । उनीहरुले, फिल्मको कथावस्तुले आँखा रसाएको प्रतिक्रिया दिएका छन् ।

यस्तै, प्रतिक्रियाबाट उत्साहित भएका शोभितले अब सिरिज बनाउने तयारी थालेका हुन् । नेपालमा कमै मात्र फ्लप फिल्मको सिरिज वा सिक्वेल बन्ने गरेका छन् ।