सोहेल खान र मन्त्री आलेको एक तस्वीरको आलोचना

केही साता अगाडि बलिउड नायक सलमान खानसँग भर्चुअल कुराकानी गर्ने क्रममा नेपाल सरकारका पर्यटन मन्त्री प्रेम आलेले आफूलाई मन्त्री भन्दा पनि सलमानको फ्यानको रुपमा प्रस्तुत गरे । मन्त्री आलेले सलमानसँग गरेको कुराकानीले सामाजिक संजालमा चर्को आलोचना भोग्यो ।

त्यसको केही दिनपछि मन्त्री आलेसँग सलमानका भाई सोहेल खानको एक तस्वीरले फेरि आलोचना भोगिरहेको छ । सलमानको जेठ १४ गते नेपालमा आयोजना हुन लागेको टूरको तयारीको बिषयमा वुझ्न सोहेल बुधबार नेपाल आएका थिए । उनी, बिहिबार बेलुकी मुम्बई फर्किसकेका छन् । बिहिबार मन्त्री आले र सोहेलको काठमाडौंकोे सोल्टी होटलमा भेट भएको थियो । भेटका क्रममा मन्त्री आले र सोहेलबिच के कुराकानी भयो, त्यो सार्वजनिक भएको छैन ।

तर, एउटै सोफामा नेपालका केन्द्रिय मन्त्रीसँग बस्दा सोहेले कुनै शिष्टाचार फलो गरेको देखिदैन । उनी, सोफामा एउटा खुट्टा चढाएर बसेका छन् भने मन्त्री आलो कोर्ट पाइन्टमा देखिन्छन् । यस्तो लाग्छ, सोहेलले आफू नेपालको मन्त्रीसँग कुराकानी गरिरहेको छु भन्ने नै बिर्सिएका छन् । यो तस्वीरलाई नेपाली चलचित्रका चलचित्रकर्मीहरुले सामाजिक संजालमा शेयर गर्दै बलिउडले त नेपाललाई पेल्छ भने भारतको के कुरा भन्दै आलोचना गरेका छन् ।