‘षट्कोण’को ट्रेलरमा पत्रकार कर्मा
३० चैत २०७८ १०:२१ 
नयाँ चलचित्र ‘षट्कोण’को ट्रेलर सार्वजनिक भएको छ । मिलन डी काप्रीको निर्देशनमा तयार भएको यो चलचित्र बैशाख २३ गतेबाट रिलिज हुँदैछ । साइकोलोजिकल थ्रिलर यो चलचित्रले दर्शकमा आकर्षण बढाउन सक्छ ।
२ मिनेट लामो ट्रेलरमा कर्मा रहस्यमयी हत्याको खोजीमा लागेको पत्रकारको भूमिकामा देखिएका छन् ।
क्लेमेन्टाइन प्रोडक्शन र ट्राभलर्स क्रिउ फिल्मस्को ब्यानरमा निर्माण भएको यो चलचित्रमा कर्मा, भोलाराज सापकोटा, लोकेन्द्र लेखक, सुयशा अधिकारी, विराज कडरिया, शिशिर लिम्बु, असिम लामाको मुख्य भूमिका छ । शिशिर लिम्बु वानेममको कथा तथा पटकथा रहेको यो चलचित्रमा महेश दवाडीको लेखन छ ।
चलचित्रमा आङछेन लामाको छायांकन, सागर खनाल र मिलनको सम्पादन छ ।
