वर्षाले थालिन् ‘गोबर गणेश’को छायांकन

बल्छी धुर्बे फिल्मस्को प्रस्तुतिमा निर्माण हुने चलचित्र ‘गोबर गणेश’को काठमाडौंको म्हेपी मन्दिर शुभमुहूर्त गरिएको छ। यो चलचित्रको शुभमुहूर्तमा निर्देशक मरिचमान श्रेष्ठ (बल्छी धुर्बे) लगायतका कलाकारको उपस्थिति थियो ।

आजैबाट छायांकन सुरु भएको चलचित्रको क्यामेरा पूजा गर्दै सट खिचिएको हो। साथमा, केदार घिमिरे ‘माग्ने बुढा’ले नरिवल फोडेर र कलाकार रवि गिरीले क्लयाप हानेर शुभमुहूर्त गरिएको हो ।

काठमाडौंबाट सुरु भएको चलचित्रको छयांकन पोखरालगायतका स्थानमा हुनेछ । यो चलचित्रलाई करिब ३५ दिन लगाएर खिचिने निर्माणपक्षले बताएको छ।

‘मेरी बास्सै’बाट दर्शकमाझ लोकप्रिय बनेका मरिचमान श्रेष्ठले चलचित्रलाई निर्देशन गर्ने छन् । यो उनको पहिलो फिचर निर्देशन हो । चलचित्रको अभिनेत्रीमा वर्षा सिवाकोटी छिन् । यस्तै अन्य कलाकारमा मरिचमान श्रेष्ठ, विनोद न्यौपाने, पदम तामाङ, विल्सन विक्रम राई, निर्मल शर्मा, लक्ष्मीनाथ तिमलसेना, राजु याक्छा, रामप्रसाद खनाल, सन्तोष बानिया, सन्दीप लामा, माओत्से गुरुङ, सीतादेवी तिमल्सिना र पुजन घिमिरे (पुकु)लगायत छन् ।

चलचित्रलाई शिवराम श्रेष्ठले खिच्नेछान्न भने विपीन मल्लले सम्पादन गर्नेछन्। यो चलचित्रको वितरण श्री ब्याकटेस इन्टरटेनमेन्टले गर्नेछ ।