‘गोबर गणेश’ निर्माण गर्दै ‘बल्छी धुर्वे’

‘बल्छी धुर्बे’को नामले चिनिएका मरिचमान श्रेष्ठ अब चलचित्र निर्देशनमा अगाडि बढ्ने भएका छन्। मरिचमानले आफ्नै निर्माण तथा निर्देशनमा चलचित्र ‘गोबर गणेश’ निर्माण गर्ने भएका हुन् ।

बल्छी धुर्बे फिल्मस् प्रालिको व्यानरमा निर्माण हुने यो चलचित्रको नाम चलचित्र विकास बोर्डमा दर्ता गरिएको छ । कलाकारको नाममा सीतादेवी तिमिल्सिना र पूजन घिमिरेको नाम उल्लेख गरिएको छ। अन्य कलाकारहरुको बारेमा अहिले केहि खुलाइएको छैन्।

यो चलचित्रको छायांकन भदौ महिनादेखि गर्ने निर्माणपक्षको तयारी छ । हाँस्य क्षेत्रमा दर्शकको माया पाएका कलाकारहरू धमाधम चलचित्र निर्माणमा प्रवेश गरिरहेको समयमा मरिचमान पनि अब चलचित्र निर्माणमा होमिएका हुन् ।