देशमा संवैधानिक राजतन्त्र आवश्यक छ: अभिनेत्री कोइराला

अभिनेत्री मनीषा कोइरालाले देशमा संवैधानिक राजतन्त्र आवश्यक भएको बताएकी छन्। उनले सामाजिक सञ्जालमार्फत भनेकी छन्,

आजको दिन मेरो लागि गहिरो आत्मचिन्तनको हो, एक नेपालीको हैसियतले, जसले यो देशको पहिचान, एकता र भविष्यप्रति गहिरो माया राख्दछ। म आज मेरो सार्वजनिक मञ्च जस्तै: फेसबुकबाट बोल्दै छु। किनभने मलाई लाग्छ- अब भावना होइन, सत्य र इमानदारीसाथ नेपालको दिशाबारे संवाद गर्नुपर्ने समय आएको छ।

म स्पष्ट रूपमा विश्वास गर्छु कि नेपालले संसारको एक मात्र शान्तिपूर्ण हिन्दु अधिराज्यको रूपमा आफ्नो पहिचान पुनः स्थापना गर्नुपर्छ। जहाँ शासन बल वा कट्टरताले होइन, आध्यात्मिक मूल्य, सांस्कृतिक निरन्तरता र राष्ट्रिय एकताले निर्देशित हुन्छ।

एक संवैधानिक राजतन्त्र, जुन राजनीतिक दलहरूभन्दा माथि हुन्छ, राष्ट्रिय एकताको प्रतीक हुन सक्छ। जुन राजनीतिक दलहरू, आफ्नो स्वभावले नै दिन सक्दैनन्। दलहरू प्रतिस्पर्धा गर्छन्, विभाजित गर्छन् र सरकार बनाउँछन्। तर राजतन्त्र, जुन हाम्रो सनातन धर्म र इतिहासमा गहिरो रूपमा जरा गाडिएको छ, एउटा यस्तो संस्थागत आधार हो, जसले हामीलाई हाम्रो मौलिक पहिचान सम्झाउँछ।

अझ महत्त्वपूर्ण कुरा- आजको राजनीतिक प्रणालीमा, जहाँ भ्रष्टाचार गहिरो रूपमा पसिसकेको छ, हामीलाई एउटा गैरराजनीतिक संस्था चाहिन्छ, जसले जनता, संस्कृति र राष्ट्रको मूल्यहरूको रक्षाका लागि सन्तुलन र नियन्त्रणको काम गर्न सकोस्।