‘रावायण’को शीर्ष गीत सार्वजनिक

आगामी भदौको २१ गतेबाट सार्वजनिक प्रदर्शनमा आउन लागेको चलचित्र ‘रावायण’को शीर्ष गीत सार्वजनिक गरिएको छ ।

मंगलबार निर्माण युनिटले नायिका पूजा शर्मा र पल शाहलाई फिचरिङ गरेर चलचित्रको शीर्ष गीत सार्वजनिक गरेको हो । यो गीतको भिडियोमा नायक पल शाह र नायिका पूजा शर्माको बबाल डान्स देख्न सकिन्छ ।

सार्वजनिक गीतमा रेवन आरती सिंहको संगीत, नाकास अजिजको स्वर, डाक्टर कृष्णहरि बरालको शब्द छ । यो गीतको भिडियोलाई विक्रम स्वारले कोरियोग्राफी गरेका हुन् ।

सुदर्शन थापा प्रोडक्शन र पूजा शर्मा प्रोडक्शनको ब्यानरमा निर्माण भएको यो चलचित्रलाई पूजा शर्माले एकल निर्माण गरेकी हुन् । यो चलचित्रका कार्यकारी निर्माताको रुपमा सुशन पाठक छन् ।

सुदर्शन थापाको निर्देशन रहेको यो चलचित्रमा शिवम् अधिकारीको लेखन, सुदर्शन थापाको कथा, प्रदीप श्रीवास्तवाको पटकथा, सौरभ लामाको डीओपी, मिलन श्रेष्ठको सम्पादन र श्री श्रेष्ठको एक्सन रहेको छ ।

चलचित्रमा पल शाह, पूजा शर्माको साथमा प्रियंका कार्की, प्रमोद अग्रहरी, निकिता चण्डक, प्रकाश शाह, कैलाश रावल, अर्जुनजंग शाही, शर्मिला मल्ल, प्रदीप ढकाल लगायतका कलाकारहरुको अभिनय छ ।